Krydduð jólakökuostamús með piparkökum | gottimatinn.is
- +

Krydduð jólakökuostamús með piparkökum

Botn
20 stk piparkökur hakkaðar

Innihald
250 g rjómaostur
50 ml síróp
½ tsk kanill
½ tsk múskat
¼ tsk engifer
1 ds af sýrðum rjóma (16%)
¼ l rjómi, þeyttur
2 msk flórsykur
Piparkökur til skrauts

Toppur
¼ l rjómi
piparkökur til skrauts

Aðferð
Setjið piparkökur í matvinnsluvél og hakkið þar til þær verða fínmalaðar. Setjið 1-2 msk af piparkökum í desert glös.

Hrærið rjómaost og síróp saman þar til blandan verður mjúk og slétt. Gott er að skafa hliðarnar á skálinni með sleif svo allt nái að blandast vel saman. Bætið kanil, múskati og engifer saman við og hrærið. Blandið sýrðum rjóma saman við  ásamt flórsykri og hrærið vel. Þeytið rjóma og blandið honum saman við rjómaostablönduna með sleif. Sprautið rjómaostablöndunni í hvert glas fyrir sig. Kælið ostamúsina í 3-4 klst. Takið glösin út. Þeytið rjóma og sprautið honum fallega ofan í hvert glas fyrir sig. Skreytið með heilum eða muldum piparkökum. Geymið í kæli þar til ostamúsin er borin fram. 

Höfundur: Thelma Þorbergsdóttir