Kanilkökur með pekahnetum og súkkulaði | gottimatinn.is
- +

Kanilkökur með pekahnetum og súkkulaði

Innihald
225 g smjör við stofuhita
200 g dökkur púðursykur
100 g sykur
2 stk egg
1½ tsk vanilludropar
150 g kornax hveiti
1 tsk matarsódi
4 tsk kanill
½ tsk múskat
½ tsk maldon salt
240 g hafrar
150 g pekanhentur, grófsaxaðar
150 g hvítir súkkulaðirdropar frá Nóa siríus
200 g dökkt súkkulaði frá Nóa siríus

Toppur
100 g dökkt súkkulaði frá Nóa siríus
50 g pekanhnetur, saxaðar smátt

Aðferð:

Hitið ofninn í 180° C og setjið smjörpappír á tvær bökunarplötur. Hrærið smjör, púðursykur og sykur vel saman. Skafið hliðarnar á skálinni og bætið eggi saman við ásamt vanilludropum. Setjið hveiti, matarsóda, kanil, múskat og salt saman í skál og hrærið. Blandið hveitiblöndunni saman við og hrærið þar til allt hefur blandast vel saman. Blandið höfrum saman við og hrærið léttilega. Grófsaxið dökkt súkkulaði og pekanhnetur og blandið saman við ásamt hvíta súkkulaðinu og hrærið varlega þar til allt hefur blandast vel saman. Setjið u.þ.b. 1 msk eða 25 g í hverja köku og myndið kúlu og raðið þeim með góðu millibili á bökunarplöturnar. Bakið í 8-10 mínútur. Kökurnar eru mjög linar þegar þær koma út úr ofninum en þær jafna sig þegar þær kólna. Kælið kökurnar í 10 mínútur áður en þið setjið toppinn ofan á.

 

Toppur

Bræðið dökkt súkkulaði yfir vatnsbaði og hrærið stanslaust þar til súkkulaðið hefur náð að bráðna alveg. Slettið súkkulaðinu óreglulega yfir hverja kökur fyrir sig. Saxið pekanhneturnar smátt niður og setjið ofan á hverja köku fyrir sig.

Höfundur: Thelma Þorbergsdóttir