Jólagrautur Thelmu | gottimatinn.is
- +

Jólagrautur Thelmu

Innihald:
500 g MS Heimilis grjónagrautur
100 g hvítt súkkulaði
½ tsk kanill
1 stk vanillustöng eða 1 tsk. vanilludropar
3 dl rjómi

Toppur:
Kirsuberjasósa
Möndlur

Aðferð:

Þessi uppskrift dugar fyrir 4.

Bræðið hvítt súkkulaði yfir vatnsbaði eða á lágum hita þar til súkkulaðið hefur náð að bráðna alveg og kælið örlítið. Setjið grjónagrautinn í skál ásamt kanil, fræjum úr einni vanillustöng/vanilludropa og hvíta súkkulaðinu og hrærið þar til allt hefur blandast vel saman. Þeytið rjóma og blandið honum saman við grautinn. Setjið grautinn í glös eða desertskálar og berið fram með kirsuberjasósu og grófsöxuðum möndlum. Geymið í kælið þar til grauturinn er borinn fram. Gott er að gera grautinn daginn áður. Einstaklega fljótlegur og bragðgóður eftirréttur.  

Höfundur: Thelma Þorbergsdóttir