Hvít súkkulaðimús með hindberjum | gottimatinn.is
- +

Hvít súkkulaðimús með hindberjum

Súkkulaðimús:
250 g hvítt súkkulaði
30 g rjómaostur
1 tsk. vanilludropar
60 ml rjómi
¼ tsk. sjávarsalt
3 stk. eggjahvítur
100 g sykur

Toppur:
Hindber
Flórsykur

Aðferð:

Þessi uppskrift dugar fyrir um 6-8 manns.

 

Bræðið súkkulaði yfir vatnsbaði og hrærið þar til súkkulaðið hefur náð að bráðna alveg, setjið til hliðar og kælið. Hrærið rjómaost og vanilludropa saman þar til rjómaosturinn er orðinn mjúkur og sléttur. Bætið rjómanum saman við og hrærið vel í rúmar 3 mínútur. Hrærið eggjahvítur og salt saman í annarri skál og bætið sykrinum varlega saman við. Hrærið þar til blandan er orðin stíf og stendur. Blandið brædda súkkulaðinu saman við rjómaostablönduna ásamt eggjahvítunum og hrærið varlega saman með sleif þar til allt hefur blandast vel saman. Sprautið súkkulaðimúsinni jafnt í eftirréttaglös og kælið inn í ísskáp í rúmlega 2 klst. Skreytið með ferskum hindberjum og flórsykri. Geymist í kæli þar til súkkulaðimúsin er borin fram. 

Höfundur: Thelma Þorbergsdóttir