- +

Hátíðarsalat með fetaosti, bökuðu grænmeti og mandarínum

Innihald:
1 stk. sæt kartafla, lítil eða hálf stór
1 stk. rauðrófa
10 stk. rósakáls hausar, 10-15 stk.
100 g möndlur með hýði
1 msk. íslenskt smjör
1 msk. hunang
1 tsk. rósmarín
Blandað grænt salat eftir smekk
2 stk. mandarínur
20 stk. vínber
2 stk. vorlaukar
1 krukka Veislufeta

Aðferð:

- meðlæti fyrir 4-6

 

Skerið sætu kartöfluna, rauðrófu og rósakál í jafn stóra bita. Veltið upp úr olíu, salti og pipar og bakið í ofni í 30-40 mínútur eða þar til bakað í gegn. Takið úr ofninum og leyfið aðeins að kólna.

Bræðið smjörið á pönnu og steikið möndlurnar, setjið hunang og rósmarín út á og látið krauma saman við vægan hita í 10 – 15 mínútur. Hellið á bökunarpappír, látið kólna og saxið svo gróft.

Leggið salatið á stórt fat. Setjið bakað grænmetið þar ofan á. Skerið vínber og mandarínubáta í litla bita og dreifið yfir ásamt fetaostinum. 

Toppið með söxuðum möndlum og smátt skornum vorlauk og berið fram strax.

 

Hér svo sannarlega á ferðinni frábær jólauppskrift sem hentar vel með matnum yfir hátíðarnar.

 

Höfundur: Helena Gunnarsdóttir