Focaccia með mozzarella, tómötum og balsamik gljáa | gottimatinn.is
- +

Focaccia með mozzarella, tómötum og balsamik gljáa

Innihald:
1 stk focaccia brauð eða annað gott brauð, t.d. súrdeigs
4 stk stórar kúlur af mozzarella osti, skornar í sneiðar eða 8-10 litlar kúlur
1 stk hvítlauksrif, skorið í tvennt
4 stk eldrauðir tómatar, skornir í sneiðar
1 stk væn lúka ferskt basil
1½ dl balsamikedik
2 msk sykur
ólífuolía
salt og pipar

Aðferð:

Byrjið á balsamikgljáanum.
1. Setjið edik og sykur í pott, hleypið suðunni upp, lækkið hitann og leyfið að malla þar til edikið hefur þykknað, í um 10 mínútur. Slökkvið þá undir.
2. Hitið ofn í 220 gráður.
3. Skerið brauðið í tvennt eftir endilöngu þannig að þið endið með tvær stórar og flatar sneiðar. Penslið brauðið með dálítilli ólífuolíu og stingið brauðinu inn í ofn í 5 mínútur.
4. Takið út, nuddið með skornu hvítlauksrifinu og raðið ostinum ofan á, kryddið með salti og pipar.
5. Setjið aftur inn í ofn í um 8-10 mínútur eða þar til osturinn er bráðinn og aðeins farinn að taka lit. Getið sett grillið á undir lokin.
6. Takið úr ofninum og raðið tómatsneiðunum yfir. Stráið basillaufunum yfir og hellið að lokum balsamikgljáanum yfir.
7. Skerið í mjóar sneiðar og berið fram volgt.

Höfundur: Helena Gunnarsdóttir