| gottimatinn.is
- +

Apríkósugljáður hamborgarhryggur með Madeira sósu - Jól

Hryggur
2,4 kg hamborgarhryggur, með beini eða án (2,4-3,2 kg)
1 msk. sterkt sinnep
1 krukka apríkósusulta (um 250 g)
60 g smjör

Madeira sósa
sósuþykkir fyrir brúna sósu, eftir smekk
20 g smjör
2 msk. hveiti
500 ml soð af hamborgarhryggnum eða kjúklingasoð
150 ml Madeiravín eða púrtvín
2 tsk. svínakraftur eða kjúklingakraftur, eða eftir smekk
200 ml matreiðslurjómi

Hryggur Aðferð:
Setjið hrygginn í pott með köldu vatni og látið vatnið fljóta vel yfir kjötið. Þeir sem vilja geta bætt út í vatnið einu lárviðarlaufi og 2–3 negulnöglum. Látið suðuna koma rólega upp. Látið beinlausa hrygginn sjóða við vægan hita í minnst 55 mínútur en hrygginn með beininu um 75 mínútur. Látið kjötið standa í pottinum í 15 mínútur. Á meðan er ofninn hitaður í 250°C. Setjið hrygginn í ofnskúffu ásamt örlitlu vatni. Blandið sinnepinu saman við apríkósusultuna og brædda smjörið og þekið allan hrygginn með hjúpnum. Bakið hrygginn í 10–15 mínútur í miðjum ofninum. Gætið þess að gljáinn brenni ekki, ef hann fer að dökkna mikið á stöku stað má leggja álpappír þar yfir. Gott er að láta kjötið jafna sig í 10–15 mínútur áður en það er skorið í sneiðar.

 

 

Sósa aðferð:
Bræðið smjörið í stórum potti og stráið hveitinu yfir. Hrærið stöðugt í þar til jafningurinn er aðeins farinn að brúnast. Hellið þá síuðu soði smátt og smátt saman við og hrærið vel á meðan. Bætið Madeiravíninu við ásamt kraftinum og matreiðslurjómanum. Látið malla í minnst 5–8 mínútur. Þykkið sósuna eftir smekk með sósuþykki. 

Tilvalið meðlæti með hryggnum Waldorf salat eða Kartöflugratín gott með ( sjá undir uppskriftir : salöt)

Höfundur: Inga Elsa Bergþórsdóttir