Menu

Humarpítsa

Þessi pítsa lenti í 1. sæti í pítsukeppni Gestgjafans, Gott í matinn og Wewalka í nóvember 2016. Dómnefndin var sammála um að þessi pítsa væri bragðgóð og góð undir tönn og pistasíuhneturnar setja punktinn svo sannarlega yfir i-ið. Sósan er milduð aðeins með sýrðum rjóma sem gerir pítsuna fínlega og passar hún því vel með safaríkum humrinum.

Innihald

4 skammtar

Humarpítsa

fetakubbur frá Gott í matinn, skorinn í litla bita
Dala brie, skorinn í þunnar sneiðar
pizzadeig
smjör
humar
hvítlauksgeirar, pressaðir (2-3 stk.)
fersk steinselja
gróft sjávarsalt
nýmalaður svartur pipar
pítsusósa (2-4 msk.)
sýrður rjómi 18% frá Gott í matinn (2-4 msk.)
handfylli klettasalat
pistasíuhnetur, gróft saxaðar (2-3 msk.)
ólífuolía til að dreypa yfir

Skref1

  • Hitið ofn í 220°C.
  • Hitið smjör á pönnu og steikið humar, hvítlauk og steinselju í örstutta stund eða þar til humarinn byrjar að verða bleikur.
  • Í raun er þessi steiking bara rétt til að koma kryddunum og smjörinu á hann.
  • Bragðbætið með salti og pipar.

Skref2

  • Hrærið saman pítsusósu og sýrðan rjóma og smyrjið á pítsudeigið.
  • Raðið humrinum, fetaosti og hvítlauks-brie ofan á og bakið í 12-15 mín.

Skref3

  • Dreifið klettasalati, pistasíum og ólífuolíu yfir þegar pítsan er tekin úr ofninum.

Höfundur: Heiða Hrönn Björnsdóttir og Kristín Anna Tryggvadóttir