- +

Sítrónubúðingur með hnetukurli

Sítrónubúðingur:
100 g rjómaostur til matargerðar frá Gott í matinn
60 ml rjómi
½ tsk. vanilluextract eða dropar
börkur af 1 sítrónu
2 msk. sítrónusafi

Hnetukurl:
100 g pekanhnetur, smátt saxaðar
50 g möndlumjöl
3 msk. sukrin gold (eða púðursykur)
40 g smjör

Aðferð:

Þessi eftirréttur er sykurlaus ef notað er sætuefnið sukrin gold, en þeir sem eru ekki að forðast sykur geta notað púðursykur í staðinn.

 

Sítrónubúðingur, aðferð:

Þeytið rjóma

Rjómaostur, vanillu extract, börkur og sítrónusafi þeytt vel saman. Rjómanum er síðan bætt út í blönduna og öllu blandað vel saman.

 

Hnetukurl, aðferð:

Setjið allt í pott. 

Bræðið smjörið og hrærið vel í.

Dreifið á bökunarpappír og bakið við 180°C í 5-7 mínútur eða þar til blandan verður gyllt.

Látið kólna. Myljið og setjið í skálar. Fyrst hnetukurl, síðan sítrónubúðing.

Setjið til skiptis í glösin svo það myndist falleg lagskipting.

Geymið í kæli áður en borið er fram.

 

Höfundur: Hafdís Magnúsdóttir