- +

Ofnbakaðar kjúklingabringur með rótargrænmeti, fetaosti, fræjum, þurrkuðum ávöxtum og jógúrtsósu

innihald
4 stk kjúklingabringur
400 g sætar kartöflur eða grasker, skornar í bita
200 g rófa, skorin í bita
200 g gulrætur, skornar langsum
1 stk lítil rauðrófa, skorin í teninga
1 stk rauðlaukur, skorinn í bita
1 msk ferskt timían
1 tsk rauðar chilíflögur
1 msk kóríanderfræ, gróft mulin
3 msk ólívuolía
sjávarsalt og svartur pipar
1½ dl aprikósusulta án viðbætts sykurs
2½ msk sherryedik eða rauðvínsedik

meðlæti
fræ úr 1 granataepli
6 stk þurrkaðar aprikósur, skornar í litla bita
1 dl trönuber, gróft söxuð
1 dl möndluflögur eða graskersfræ
125 g fetakubbur, mulinn
2 msk rifinn parmesanostur

jógúrtsósa
2½ dl hreint jógúrt
1 tsk cumin
1 msk sítrónusafi
1 tsk ólívuolía
svartur pipar
örlítið hunang

Aðferð:

1. Byrjið á að útbúa jógúrtsósuna. Hrærið saman hreinu jógúrti, cumini, sítrónusafa og olívuolíu. Smakkið til með pipar og hunangi.

2. Stillið ofninn á 200°.

3.. Setjið kjúklingabringur, rótargrænmeti, lauk og krydd í ofnskúffu. Hellið ólívuolíu yfir og blandið allt varlega saman. Gott að gera með hreinum höndum. Saltið og piprið. Setjið í ofninn og bakið í 15 mínútur. Hrærið þá saman aprikósusultu og edik og hellið yfir réttinn. Látið mest yfir kjúklingabringurnar. Eldið áfram í 15 mínútur.

4. Setjið parmesanostinn yfir kjúklingabringurnar og sáldrið síðan öðru meðlæti yfir. Berið strax fram með jógúrtsósunni. 

Höfundur: Erna Sverrisdóttir