- +

Kotasælu og spínat gnocchi með mozzarellasalati

Innihald
300 g kotasæla
450 g frosið spínat
1¼ dl parmesanostur, fínrifinn
3½ dl hveiti (u.þ.b.)
2 stk egg

Mozzarellasalat
2 stk mozzarellakúlur, rifnar eða skornar í bita
250 g kirsuberjatómatar, skornir í tvennt
1½ dl basilíka, gróft söxuð
sjávarsalt og svartur pipar, eftir smekk
ólívuolía, eftir smekk
parmesanostur, eftir smekk

Aðferð:

1. Maukið kotasæluna með töfrasprota.

2. Kreistið eins vel og hægt er allan vökva af spínatinu. Saxið.

3. Hrærið öllu saman. Bætið varlega við meira hveiti ef þurfa þykir.

4. Setjið deigið á hveitistráða borðplötu og skiptið því í tvennt. Rúllið hvorn helming út með höndunum í 50 cm langa pylsu. Skiptið hvorri pylsu í 3 cm litla bita.

5. Leggið bitana á hveitistráðan bökunarpappír.

6. Setjið vel af vatni í stóran pott. Setjið salt út í þegar suðan kemur upp. Sjóðið gnocchibitana í u.þ.b. 5 mínútur. Hellið í sigti.

 

1. Raðið gnocchi, mossarellabitum og  kirsuberjatómötum á stórt fat eða fjóra staka matardiska.

2. Sáldrið basilíku yfir, salti og pipar. Hellið ólíuolíu þar ofan á og loks rifnum parmesanosti

 

Höfundur: Erna Sverrisdóttir