- +

Heilhveitipizza með kjúklingi, beikoni og fleira góðgæti

Haframylsna innihald:
1¼ dl hafrar
1 msk sólblómafræ
1 msk möndluflögur
1 stk stórt hvítlauksrif, skorið í þunnar sneiðar
½ msk hlynsíróp
2 msk ólívuolía
sjávarsalt og svartur pipar

Botn innihald:
2½ dl ylvolgt vatn
1 tsk þurrger
2 tsk hrásykur
1 msk ólívuolía
6 dl heilhveiti
2 tsk sjávarsalt
300 g Ísbúi, rifinn

Álegg
2 stk kjúklingabringur, skornar í smáa teninga
olía
1 tsk herbs de Provence
sjávarsalt og svartur pipar
8 stk beikonsneiðar, skornar í ræmur
1 stk lárpera, skorin í sneiðar
4 lúkur handfylli af fersku salati
¾ dl rjómi
1 msk fínrifinn parmesanostur
2 msk sítrónusafi
hrásykur á hnífsoddi

Aðferð:

Haframylsna:

 

 

Haframylsna aðferð:

1. Hitið ofninn á 180°. Blandið öllu saman í skál og setjið í eldfast mót. Bakið í 15-20 mínútur. Hrærið af og til á meðan á bakstri stendur.

 

 

Botn aðferð:

1. Leysið gerið upp í vatninu. Hrærið og setjið sykur og olíu saman við.

2. Bætið heilhveiti og salti smátt og smátt út í eða þar til deigið er orðið mjúkt og hætt að klístrast. Hnoðið í fáeinar mínútur.

3.Setjið deigið í olíuborna skál. Hyljið með rökum klút og látið hefast á hlýjum stað í 30 mínútur.

4. Stillið ofninn á 200°. Hnoðið deigið aðeins niður og skiptið því í fjóra hluta. Fletjið hvern hluta út í langan renning. Leggið á bökunarplötu klædda bökunarpappír.

5. Sáldrið ostinum yfir og bakið þar til pizzubotnarnir eru orðnir gullnir

1 msk fínrifinn parmesanostur

2 msk sítrónusafi

hrásykur á hnífsoddi

 

 

1. Kryddið kjúklingabitana með salti, pipar og herbs de Provence. Steikið í u.þ.b. 5 mínútur á pönnu eða þar til gegnum steikt.

2. Takið kjúklingabitana af pönnunni og steikið beikonræmurnar.

3. Setjið salat ofan á bakaða pizzubotnanna, þá kjúkling, beikon og lárperu.

4. Pískið saman rjóma, sítrónusafa, parmesanosti og hrásykri. Sáldrið sósunni yfir áleggið og toppið síðan með haframylsnunni.

 

Höfundur: Erna Sverrisdóttir