- +

Fylltar kjúklingabringur með spínati og fetaosti

Innihald:
4 stk kjúklingabringur
200 g spínat (ferskt eða frosið)
100 g hreinn fetaostur frá Gott í matinn
110 g hreinn rjómaostur frá Gott í matinn
1 stk hvítlauksgeiri
½ tsk salt
1 tsk pipar

Aðferð:

Þessi uppskrift dugar fyrir fjóra.

Setjið spínat á heita pönnu ásamt vel söxuðum hvítlauk og steikið í smástund. Setjið spínatið á eldhúspappír og þerrið örlítið. Blandið spínatið við feta- og rjómaostinn og blandið vel. Bætið við kryddinu og hrærið svo blandast vel saman.

Skerið í bringurnar rauf og setjið fyllinguna í. Piprið og saltið eftir smekk .

Bakið við 190°C í 40-45 mínútur.

 

Sætar kartöflur með rósmarín og fetaosti henta sérstaklega vel sem meðlæti.
Uppskrift má finna hér.

 

Höfundur: Hafdís Magnúsdóttir