Menu

Grænmetissæla

Virkilega góður forréttur með ostum og brauði, sem smáréttur á lítilli snittu, sem blanda út í pasta með rifnum osti, sem grænmeti með hátíðamatnum. Útfærsla sem svíkur ekki! 

Innihald

4 skammtar
eggaldin
kúrbítur
rauð paprika
gul paprika
rauðlaukur
fennel
ferskur chilli pipar
salt
ólífuolía
Óðals Tindur
Rjómaostur
Mozzarella kúlur

Skref1

  • Skerið allt grænmetið mjög fínt og smátt.
  • Hitið pönnu og hellið á ólífuolíu, um 4 msk.
  • Setjið grænmetið á pönnuna og mýkið á háum hita í 10 mínútur, hrærið stanslaust í á meðan.
  • Lækkið svo á meðalhita og látið malla í 30-40 mínútur.

Skref2

  • Takið af pönnunni, saltið eftir smekk.
  • Hellið í skál og dreypið meiri ólífuolíu yfir ef ykkur þykir þörf á.
  • Kælið.

Skref3

  • Skerið ost, rífið niður eða smyrjið á diskinn.
  • Komið grænmetinu fyrir á diski, uppsetning eftir smekk.
  • Setjið ost á diskinn og berið fram.

Skref4

  • Athugið að þessi grænmetisblanda gengur með svo ótalmörgu.
  • Að sjálfsögðu liggur beint við að hafa gott brauð með þessu eða grilla sneiðar og bera fram í formi bruschettu.
  • Þá er þetta líka frábær blanda út í gott pasta og rífa ost yfir, sbr. Tind eða Ísbúa.

Höfundur: Halla Bára Gestsdóttir