- +

Grillað eggaldin fyllt með döðlum og rjómaosti

Innihald:
2 stk. eggaldin
250 g hreinn rjómaostur til matargerðar frá Gott í matinn
½ stk. fetakubbur, mulinn smátt
2 msk. sýrður rjómi
10 stk. steinlausar döðlur
1 stk. rauður chili, fræhreinsaður og skorinn smátt
2 stk. vorlaukar
ólífuolía
salt og pipar
klettasalat

Aðferð:

Skerið eggaldinið langsum í sneiðar.

Penslið með ólífuolíu og grillið við háan hita á báðum hliðum þannig að fallegar grillrendur komi á sneiðarnar og þær mýkjast.

Leggið sneiðarnar á fat og leyfið að kólna á meðan þið gerið fyllinguna.

Hrærið saman rjómaosti, fetaosti og sýrðum rjóma.

Saxið döðlurnar, chili og vorlauk smátt og hrærið saman við.

Smakkið til með salti og pipar.

Setjið 1 msk. af fyllingunni á endann á hverri eggaldinsneið ásamt dálitlu klettasalati og rúllið upp.

Berið fram með klettasalati og stráið rauðum chili ofan á. 

Höfundur: Helena Gunnarsdóttir