- +

Tómatsúpa með tortellini og spínati

Innihald:
1 msk ólífuolía
2 stk sellerístöngar
2 stk gulrætur
1 stk stór laukur
1 msk tómatpúrra
2 tsk hrásykur
3 dósir hakkaðir tómatar (t.d. Hunts með oregano, basilíku og hvítlauk)
1 l vatn
2 stk grænmetisteningar
1 tsk þurrkuð basilíka
200 g tortellini pasta
150 g ferskt spínat
4 msk sýrður rjómi, 36%
sjávarsalt og nýmalaður pipar

Aðferð:

Einstaklega ljúffeng og fljótleg súpa sem svíkur engan.

Skerið sellerí, gulrætur og lauk smátt. Hitið olíu í stórum potti og steikið grænmetið þar til mjúkt. Setjið tómatpúrru út í og steikið aðeins áfram. Bætið sykrinum saman við. Hellið tómötunum ásamt vatninu og kraftinum yfir og hleypið suðunni upp. Kryddið með basil, salti og pipar ef þarf. Smakkið ykkur til. Hellið þá pastanu út í sjóðandi súpuna og látið sjóða í 20 mínútur undir loki. Saxið spínatið smátt og bætið út í ásamt sýrða rjómanum og berið fram með kotasælubollum, sjá uppskrift að þeim hér.

Höfundur: Helena Gunnarsdóttir