- +

Sjávarréttasúpa með karrí og lime

Hráefni:
3 stk. gulrætur (3-4 stk.), skornar í þunnar sneiðar
1 stk. fennel, eða u.þ.b., skorið í þunnar sneiðar
1 stk. blaðlaukur, skorinn í þunnar sneiðar
3 stk. kartöflur (3-5 stk.), skornar smátt í teninga
1 stk. sæt kartafla (1/2-1 stk.), skorin í litla teninga
3 tsk. karrí (3-5 tsk. eftir smekk)
3 tsk. túrmerik (3-5 tsk. eftir smekk)
nokkrar chiliflögur
1 l vatn
1 msk. hvítvínsedik
3 stk. grænmetis- eða fiskiteningar
3 stk. stönglar sítrónugras
limelauf/límónulauf (fást bæði þurrkuð og frosin, en má sleppa)
nokkrir dropar Worchestershiresósa
2 dl matreiðslurjómi (2-3 dl) eða 1 dós kókosrjómi (400 ml)
300 g ýsa eða annar hvítur fiskur
200 g rækjur (má sleppa)
salt og grófmalaður svartur pipar eftir smekk

Skraut:
1 lúka spínatblöð

Aðferð:

Skerið gulrætur, fennel, blaðlauk og kartöflur í bita. Léttsteikið í smjöri eða olíu.

Stráið karrí, túrmerik og chiliflögum yfir.

Hellið vatni og ediki saman við og bætið grænmetis-/fiskiteningum saman við.

Látið sjóða í rúmlega 10-15 mínútur.

Berjið sítrónugrasið léttilega svo það opnist. Finnið yndislegan ilminn og skerið það í búta. Setjið bútana í súpuna ásamt limelaufum og worchestershiresósu.

Hellið rjóma eða kókósrjóma saman við.

Skerið fiskinn í bita og setjið út í súpuna með rækjunum.

Smakkið til með salti og pipar.

Látið malla í rúmlega 10-15 mínútur eða lengur ef það hentar á mátulegum hita.

Skreytið með spínat í lokin. 

Höfundur: Theodóra J. Sigurðardóttir Blöndal