- +

Grænmetissæla

Innihald:
1 stk. eggaldin
1 stk. kúrbítur
1 stk. rauð paprika
1 stk. gul paprika
1 stk. rauðlaukur
1 stk. fennel
1 stk. ferskur chilli pipar
salt
ólífuolía
Tindur
Rjómaostur
Mozzarella kúlur

Virkilega góður forréttur með ostum og brauði, sem smáréttur á lítilli snittu, sem blanda út í pasta með rifnum osti, sem grænmeti með hátíðamatnum. Útfærsla sem svíkur ekki! 

 

Aðferð:

Skerið allt grænmetið mjög fínt og smátt. Hitið pönnu og hellið á ólífuolíu, um 4 msk. Setjið grænmetið á pönnuna og mýkið. Á háum hita í 10 mínútur, hrærið stanslaust í á meðan. Lækkið svo á meðalhita og látið malla í 30-40 mínútur.

Takið af pönnunni, saltið eftir smekk. Hellið í skál og dreypið meiri ólífuolíu yfir ef ykkur þykir þörf á. Kælið.

Skerið ost, rífið niður eða smyrjið á diskinn. Komið grænmetinu fyrir á diski, uppsetning eftir smekk. Setjið ost á diskinn og berið fram.

Athugið að þessi grænmetisblanda gengur með svo ótalmörgu. Að sjálfsögðu liggur beint við að hafa gott brauð með þessu eða grilla sneiðar og bera fram í formi bruschettu. Þá er þetta líka frábær blanda út í gott pasta og rífa ost yfir, sbr. Tind eða Ísbúa.

 

Höfundur: Halla Bára Gestsdóttir og Gunnar Sverrisson