- +

Þistilhjartamauk

Hráefni
3 msk sýrður rjómi, 18%
1 dós niðursoðin þistilhjörtu í vatni
1 stk. hvítlauksrif, marið
3 dl gratínostur og meira til að sáldra yfir maukið
1 msk fersk steinselja, söxuð

Aðferð:

Hellið öllum vökvanum af þistilhjörtunum og maukið síðan allt hráefnið saman, nema steinseljuna, með töfrasprota. Hráefnunum má líka skella í matvinnsluvél. Ef þið finnið ekki þistilhjörtu í vatni þá má alveg nota þistilhjörtu í olíu. Ef þistilhjörtun fást alls ekki er jafnframt hægt að nota niðursoðinn maís sem er líka mjög gott. Síðan er maukið sett í eldfast form og gratínosti og steinselju sáldrað yfir. Geymið í ísskáp þangað til það á að bera réttinn fram en þá er hann settur inn í ofn í 20 mínútur við 180°C.

Með réttinum er tilvalið að bera fram niðurskorið baguette, nachosflögur eða ristaðar pítubrauðssneiðar. Þennan rétt er alveg óhætt útbúa daginn áður.

Höfundur: Erna Sverrisdóttir