- +

Kryddsíld með gráðostarauðlaukssultu

Sulta
1 msk. smjör
400 g rauðlaukur
1 stk. epli skorið í teninga
½ dl hlynsíróp
1 dl rauðvín
½ dl balsamik edik
150 g rifsberjasulta
85 g rifinn gráðostur
500 g kryddsíld (5-600 g)

Aðferð:
Saxið rauðlaukinn og eplin setjið í pott ásamt smjörinu og gætið að brúna ekki. Bætið í hlynsírópi rauðvíni, balsamikediki og rifsberjasultu. Sjóðið við vægan hita þar til næstum allur vökvi er farinn. Takið af hellunni og bætið í rifnum gráðaosti. Hrærið vel saman og kælið.
Þerrið kryddsíldina og bætið í. Einnig er hægt að laga síldarsnittu úr þessu. Takið maltbrauð og skerið skorpuna af og skerið sneiðina í 4 bita setjið til hálfs gráðostarauðlaukssultu og síldarbita á hinn helminginn. Skreytið með graslauk.

Höfundur: Árni Þór Arnórsson