- +

Hummus

Innihald:
1 sítróna, safinn kreistur
½ dl ólífuolía eða önnur olía
3 stk. hvítlauksrif (3-4 stk. eða eftir smekk)
Steinselja (eftir smekk)
Spínatblöð (ein góð lúka)
Salt (eftir smekk, meira en minna)
Chiliflögur (nokkrar)
Kúmen (malað, meira en minna)
2 dósir kjúklingabaunir (sigtaðar en geymið vökvann)
2 msk. tahini (má sleppa)
Örlítið vatn eftir þörfum

Aðferð:

(Það þarf að nota matvinnsluvel eða töfrasprota til að mauka hummusinn)

Blandið saman olíu, sítrónusafa, salt, kúmen, steinselju og spínati.

Setjið allt í matvinnsluvélina og látið hana ganga smá stund.

Bætið svo við kjúklingabaunum, einni dós í einu (ásamt Tahini ef þið notið það) og maukið vel á milli. Ef ykkur finnst hummusinn of þurr bætið þá örlitlu vatni saman við. Smakkið til. Kryddið meira ef ykkur finnst þurfa.

Látið matvinnsluvélina ganga þar til hummusinn ykkar er mjúkur og kremkenndur. Berið fram með góðu brauði, sem meðlæti með t.d. súpu eða salati eða bara nákvæmlega eins og ykkur hentar.

Höfundur: Theodóra J. Sigurðard. Blöndal