- +

Bakaður hvítlaukur á brauðsnittu

Bakaður hvítlaukur á brauðsnittu
1 hvítlaukur (1/2 til 1 hvítlaukur á mann)
ólífuolía
salt og pipar
sýrður rjómi
ristað brauð, snittubrauð, súrdeigsbrauð, tortillur

Aðferð:

Hitið ofn í 200 gráður. Hvíta og þurra hýðið er tekið utan af hvítlauknum en þess gætt að taka hann ekki í sundur né afhýða rifin. Svolítilli olíu er dreypt á laukinn ásamt salti og pipar. Laukurinn er settur í eldfast mót með loki eða hann vafinn í álpappír.

Stingið í ofn í um 30-40 mínútur eða þar til hvítlaukurinn er lungamjúkur. Gott er að dreypa örlítilli olíu á hann á miðjum eldunartímanum. Berið hvítlaukinn fram með góðu brauði eða ristuðum brauðbitum og sýrðum rjóma.

Sýrður rjómi er smurður á brauðið og  eitt og eitt hvítlauksrif kreist úr hýðinu á hvern brauðbita. Frábær forréttur og sem hluti af forréttaborði.

Hvítlaukinn má að sjálfsögðu grilla en þá er hann vafinn í álpappír og látinn bakast á efri grindinni á grillinu þar til hann er mjög mjúkur alveg í gegn.

Höfundur: Halla Bára Gestsdóttir