- +

Ofnbakaður ítalskur fiskur með bauna-pestómús

innihald
600 g langa eða annar hvítur fiskur
olía
sjávarsalt og svartur pipar
1 ds maukaðir tómatar í dós
4 msk rifinn parmesanostur
2 dl sýrður rjómi
2 dl rifinn mozzarellaostur í poka

bauna-pestómús
2 ds niðursoðnar cannellonibaunir
1 msk sýrður rjómi með graslauk og lauk
1 msk grænt pestó
sjávarsalt og svartur pipar
ólívuolía

skraut, má sleppa
1 msk fersk basilíka, söxuð
2 msk ristaðar furuhnetur

Aðferð:

1. Stillið ofninn á 180°.

2. Olíuberið eldfast form. Leggið fiskinn í formið, saltið og piprið.

3. Setjið parmesanostinn saman við tómatana og hellið yfir fiskinn.

4. Hrærið saman sýrðum rjóma og 1 dl af mozzarellaostinum. Smyrjið yfir fiskinn. Sáldrið afganginum af ostinum ofan á.  Bakið í 15-20 mínútur.

5. Hellið baunum í sigti og skolið, látið renna vel af þeim. Steikið upp úr smá ólívuolíu á pönnu, þar til þær hitna í gegn. Maukið með gaffli og blandið sýrðum rjóma og pestói saman við. Smakkið til með salti og pipar. Gott er að skvetta smá ólívuolíu ofan á  baunastöppuna og dreifa ferskri basilíku yfir áður en borið er fram. 

Höfundur: Erna Sverrisdóttir