- +

Hnetusilungur og linsusalat með fetaosti og myntu-jógúrtsósu

innihald
4 stk silungsflök, roðflett og beinlaus
1½ dl dl kasjúhnetur, saxaðar
1 dl hunang
rifinn börkur af 1 límónu
1 tsk harissa eða annað chilímauk

linsusalat með fetaosti
250 g soðnar Puy-linsur eða sama magn af soðnum brúnum hrísgrjónum
150 g fetakubbur, mulinn
1 stk rauð paprika, skorin í litla teninga
2 stk vorlaukar, skornir í þunnar sneiðar
handfylli af fersku kóríander, saxað
75 g klettasalat eða spínat, gróft saxað
1 msk olívuolía
2 msk ferskur appelsínusafi
1 msk ímónusafi
hunang
sjávarsalt og svartur pipar

myntu-jógúrtsósa
2 dl hreint jógúrt
lauf af einnri myntugrein, fín söxuð
sjávarsalt og svartur pipar
límónusafi

Aðferð:

1. Byrjið á jógúrtsósunni. Hrærið saman jógúrti og myntu. Smakkið til með límónusafa, salti og pipar.

2. Stillið ofninn á 200°.

3. Hrærið saman kasjúhnetum, hunangi, límónuberki og chilímauki. Setjið silungsflökin hlið við hlið á bökunarplötu klædda bökunarpappír. Látið maukið jafnt yfir flökin. Bakið í 10 mínútur.

4. Blandið linsum varlega saman við fetaost, papriku, vorlauk, kóríander og salat.

5. Pískið saman ólívuolíu, appelsínusafa og límónusafa. Smakkið til með hunangi, salti og pipar. Setjið varlega saman við linsusalatið.

 

Höfundur: Erna Sverrisdóttir