- +

Vatnsdeigsbollur með hindberjarjóma og Nutella

Vatnsdeigsbollur:
2 dl vatn
100 g íslenskt smjör
2 dl hveiti
2 egg
½ tsk. salt

Hindberjarjómi:
1 peli rjómi frá Gott í matinn
Fersk hindber
4 msk. flórsykur

Toppur:
200 g súkkulaði
3 msk. rjómi
2 msk. hlynsíróp

Fylling:
Hindberjarjómi
Nutella
Hindberjasulta

Aðferð:

 

Vatnsdeigsbollur:

Stillið ofninn á 180°C - blástur.

Sjóðið vatn og smjör saman í potti uns smjörið hefur bráðnað.

Takið pottinn af hellunni og bætið hveiti og salti saman við.

Hrærið deigið vel saman með sleif þar til það er orðið að kúlu.

Setjið deigið í hrærivélina á lítinn hraða í stutta stund þannig það kólni aðeins og það er hætt að rjúka úr því.

Setjið eggin í litla skál og pískið þau saman með gaffli áður en þið hellið þeim saman við deigið (lítið í einu).

Setjið smjörpappír á plötu og mótið bollur. Það er annað hvort hægt að sprauta þeim á, búa til kúlur eða nota skeiðar.

Bakið bollurnar í 25 mínútur, takið þær úr ofninum og látið kólna vel áður en þær eru skornar í tvennt og fylltar með hindberjarjóma, hindberjasultu og Nutella.

 

Hindberjarjómi:

Kremjið hindberin vel með gaffli og setjið saman við þeyttan rjómann ásamt flórsykrinum.

 

Toppur:

Bræðið allt saman í potti á miðlungs hita og hellið yfir lokin á bollunum.

Höfundur: Tinna Alavis