- +

Vanillupannacotta með jarðarberjum

Pannacotta:
5 dl rjómi
3 dl nýmjólk
100 g sykur
5 stk. gelatínblöð
1 stk. stór vanillustöng, t.d. úr Krydd og tehúsinu í Þverholti

Jarðarberjacoulis / jarðarberjaþekja:
700 g jarðarber
½ krukka ósæt jarðarberjasulta
100 ml vatn

Aðferð:

Hér er á ferðinni alveg lygilega einfaldur eftirréttur - sem er hreint út sagt ótrúlega ljúffengur!
Uppskriftin dugar fyrir 6.

 

  1. Byrjið á því að leggja gelatínblöðin í kalt vatn í nokkrar mínútur svo þau verði mjúk. 
  2. Hellið rjómanum í pott ásamt nýmjólkinni og hitið.
  3. Næst er að kljúfa vanillustöngina og hreinsa út fræin. Setjið þau saman við rjómann og mjólkina og hrærið vel.
  4. Það er ágætt að setja sjálfa vanillustöngina með, einnig á meðan rjóminn er hitaður þar sem það gefur aukið bragð.
  5. Hitið að suðu, lækkið undir og látið standa í nokkrar mínútur til að vanillan bragðbæti rjómann eins mikið og unnt er.
  6. Hrærið svo gelatínblöðunum saman við þannig að þau leysist alveg upp í vanillurjómanum.
  7. Látið svo kólna í smástund og hellið svo yfir í mót eða glös. Setjið í kæli í 4 klukkustundir svo að búðingurinn nái að stífna. 
  8. Næst eru það jarðarberin. Skolið þau, skerið laufin af, saxið gróflega og setjið í pott með vatninu. Hleypið upp suðunni.
  9. Bætið sultunni saman við og og sjóðið niður (í 20-30 mínútur við lágan hita) þannig að úr verði þykkur grautur. Látið kólna aðeins og hellið honum svo í gegnum sigti þannig.
  10. Þá eruð þið búin að útbúa coulis sem má í raun nota í hvað sem er. Með skeið setjið þið coulisinn varlega ofan á stífan búðinginn.
  11. Svo er bara að skreyta með sneiddu jarðarberi og njóta.

Höfundur: Ragnar Freyr Ingvarsson