- +

Tiramisu á nokkrum mínútum

Innihald:
1½ dl rjómi frá Gott í matinn
80 g sykur
130 g mascarpone ostur við stofuhita
6 stk. kökufingur (ladyfingers, 6-8 stk.)
1½ dl sterkt kaffi, espresso eða 1,5 dl soðið vatn og 1 msk. skyndikaffi
3 msk. kakó eða meira
1 msk. kalhua eða amaretto, má sleppa

Aðferð:

Fyrir 3-4

Hrærið sykur og rjóma saman þar til róminn fer alveg að vera þeyttur til fulls. Setjið marscapone ostinn saman við og hrærið þar til blandan verður stífþeytt. Ef þið ætlið að nota kalhua þá blandið þið því saman við hér. Setjið 1 msk. af rjómablöndunni í hvert glas fyrir sig. Setjið kaffi í skál og dýfið kökufingrunum ofan í og setjið í glösin. Sigtið kakó yfir og endurtakið þar til glösin eru orðin full. Sigtið vel af kakói yfir toppinn og geymið í kæli þar til borið er fram.

Höfundur: Thelma Þorbergsdóttir