- +

Súkkulaði og pekanhnetuísterta með karamellu

Botn, innihald
100 g Hesilhnetur. hakkaðar

Ís
6 stk egg
6 msk sykur
100 gr bráðið mars súkkulaði
5 msk rjómi
7 dl rjómi
150 g dökkt súkkulaði (saxað gróft)
100 g pekanhnetur (skornar smátt)
2 tsk vanilludropar
60 g karamellusíróp/sósa

Toppur
Pekanhnetur
Karamellusíróp/sósa

Aðferð:

1. Þeytið eggjarauður og sykur saman þar til blandan verður ljós og létt.

2. Setjið Mars og 5 msk af rjóma í pott og bræðið saman yfir meðalháum hita. Takið pottinn af hellunni og blandið innihaldinu varlega saman við eggjarauðublönduna og hrærið með sleif þar til allt hefur blandast vel saman.

3. Þeytið rjómann og blandið honum saman við með sleif, ásamt grófsöxuðu súkkulaði, pekanhnetum og vanilludropum.

4. Stífþeytið eggjahvíturnar og blandið þeim saman við. Ekki er nauðsynlegt að setja eggjahvíturnar saman við ef þið viljið nýta þær í annað. Hrærið þar til allt hefur blandast vel saman.

5. Setjið hökkuðu heslihneturnar í botninn á hringlaga kökuformi og hellið ísblöndunni ofan á. Hellið karamellusírópinu yfir ísinn og blandið því saman við ísinn með því að snúa hníf í nokkra hringi.

6. Frystið í lágmark 5 klukkustundir.

Þegar ísinn er tekinn út er gott að láta hann standa aðeins við stofuhita svo auðvelt sé að ná ískökunni úr forminu. Takið beittan hníf og skerið undir botninn á ísnum og færið á disk. Skreytið með karamellusírópi og pekanhnetum.

Höfundur: Thelma Þorbergsdóttir