- +

Skyrkaka með bláberjum og jarðarberjum

Botn:
200 g hafrakex
130 g smjör

Skyrkaka:
550 g KEA skyr með bláberjum og jarðarberjum
¼ l rjómi
2 msk flórsykur (meira fyrir þá sem vilja sætari köku)
3 msk kókos
200 g bláber
6 stk matarlímsplötur
½ dl mjólk

Toppur:
Bláber
Jarðarber
Ristaður kókos

Aðferð:

Botn

Setjið hafrakexið í matvinnsluvél og hakkið þar til kexið er fínmalað. Bræðið smjörið og blandið því saman við og hrærið þar til allt hefur blandast vel saman. Setjið smjörpappír í botninn á hringlaga formi sem er um 18-20 cm að stærð. Setjið kexblönduna í formið og þrýstið vel niður í botninn, gott er að nota botninn á glasi til þess að þrýsta kexinu niður og slétta úr því. Geymið í kæli á meðan þið undirbúið rest. 

Skyrkaka

Setjið matarlímsblöðin í skál með köldu vatni og látið þau liggja í bleyti í rúmar 5 mín. Þeytið rjóma og hrærið saman við skyrið ásamt flórsykri. Kreistið vatnið úr matarlímsblöðunum og setjið í pott ásamt mjólkinni. Hitið yfir lágum hita og hrærið þar til matarlímið hefur leystst alveg upp. Hellið matarlímsblöndunni saman við skyrblönduna og hrærið vel. Blandið kókos og bláberjum saman við og hrærið með sleif. Hellið skyrblöndunni yfir botninn, setjið plastfilmu yfir kökuformið og kælið í 8 klst. Takið kökuna út úr kælinum, gott er að nota heitan hníf til þess að skera meðfram köntum formsins til að losa kökuna. Smellið forminu af og setjið kökuna á disk. Skreytið með ferskjum bláberjum, jarðarberjum og ristuðum kókos að vild. Gott er að bera fram með þeyttum rjóma. 

Höfundur: Thelma Þorbergsdóttir