Twix ostakökubitar með súkkulaði | gottimatinn.is
- +

Twix ostakökubitar með súkkulaði

Botn
230 g Homeblest kexkökur
60 g sykur
100 g smjör, bráðið
7 pk Twix

Súkkulaðiostamús
370 g rjómaostur
90 g dökkt kakó
90 g sykur
2 stk egg

Toppur
200 g hvítt súkkulaði
80 g kókosolía
50 g dökkt súkkulaði

Aðferð

Hitið ofinn í 180 gráður, setjið smjörpappír í eldfast mót u.þ.b. 20x30 cm. Setjið Homeblest kex og sykur í matvinnsluvél og fínmalið. Bræðið smjör og blandið því saman við með sleif. Setjið kexblönduna í eldfasta mótið og þrýstið vel í botninn, gott er að nota glas eða skeið. Bakið botninn í 10 mínútur og kælið alveg.

 

Raðið Twixbitunum jafnt og þétt ofan á kexbotninn. Hrærið rjómaoststinn þar til hann er orðinn mjúkur og sléttur. Bætið kakói og sykri saman við og hrærið vel. Setjið eggin saman við og hrærið þar til allt hefur náð að blandast vel saman. Smyrjið rjómaostablöndunni varlega yfir Twixið, blandan er þykk og því þarf að dreifa varlega úr blöndunni með sleif. Bakið í 30  mínútur og kælið svo alveg.

 

Bræðið hvítt súkkulaði yfir vatnsbaði ásamt kókosolíu. Hrærið stanslaust þar til súkkulaðið hefur náð að bráðna alveg. Hellið súkkulaðinu yfir ostakökuna og setjið í kæli. Bræðið því næst dökkt súkkulaði yfir vatnsbaði, skreytið kökuna með því að sletta því óreglulega yfir hvíta súkkulaðið eða að vild. Geymið í kæli þar til bitarnir eru bornir fram. 

Höfundur: Thelma Þorbergsdóttir