Sykurlaus skyrterta með lakkírsbragði | gottimatinn.is
- +

Sykurlaus skyrterta með lakkírsbragði

Botn:
120 g möndlumjöl
60 g smjör
1 msk. sukrin gold (má sleppa eða nota púðursykur ef fólk er að leita eftir sykurlausri tertu)
1 msk. ósykrað kakó
2 msk. kókosmjöl

Fylling:
400 ml Skyr.is með vanillu
300 ml rjómi
1 msk. Johan Burlow raw lakkrísduft
50 g sykurlaust dökkt súkkulaði (má sleppa)
3 stk. matarlímsblöð

Aðferð:

Botn:

Bræðið smjör í potti og bætið svo við rest af hráefnum og blandið vel saman.

Setjið í 20 cm silikonform og þrýstið og dreifið jafnt yfir botninn á forminu.

Bakið við 180°C í 5 mínútur og látið kólna. 

 

Fylling:

Þeytið rjómann.

Hrærið skyrinu saman við.

Saxið niður súkkulaðið og hrærið út í ásamt lakkrísduftinu.

Bræðið matarlím í potti ásamt 2 msk. af vatni.

Látið kólna örlítið og hrærið varlega saman við rjómaskyrblönduna.

Hellið fyllingu yfir botninn og setjið í frystinn í 1,5-2 klst.

Takið tertuna úr forminu á meðan hún er frosin, setjið á tertudisk og geymið í kæli.

 

Ef þið viljið ekki nota matarlím eða eigið það ekki til, er hægt að sleppa því og setja botninn í eldfast mót og fyllinguna svo yfir.

Höfundur: Hafdís Priscilla Magnúsdóttir