- +

Sykurlaus ostakaka með piparkökubragði

Botn:
100 g smjör
120 g möndlumjöl
3 msk. Sukrin Gold
1 msk. kanill

Fylling:
250 g rjómaostur frá Gott í matinn
70 g Sukrin melis
1 tsk. vanilluextract eða -dropar
3 dl þeyttur rjómi frá Gott í matinn
3 msk. Fibersirup Gold
2 tsk. kanill
1 tsk. negull
1 tsk. engifer

Aðferð:

Bræðið smjör í potti. Bætið öðru hráefni við og blandið vel saman. Hellið í 20 sentímetra sílíkon- eða springform (ef þið notið springform þarf að smyrja það með smjöri eða olíu). Þjappið botninum vel niður og aðeins upp með hliðum. Bakið við 170 gráður í um það bil 10-12 mínútur eða þar til gyllt. Kælið.

Fylling:

Hrærið rjómaostinum og Sukrin melis vel saman. Bætið vanillu, Fiber­sirup Gold og kryddi við. Blandið þeyttum rjóma saman við í lokin. Hellið yfir botninn og frystið í tvo til þrjá klukkutíma.

Höfundur: Hafdís Priscilla Magnúsdóttir