Sykurlaus karamellu ostakaka Dísu | gottimatinn.is
- +

Sykurlaus karamellu ostakaka Dísu

Botn:
60 g smjör
170 g pekanhnetur
1 msk sukrin gold (púðursykur ef þið eruð ekki að forðast sykur)
3 msk kókosmjöl
1 tsk kanill

Karamella:
250 ml rjómi
5 msk Fibersirup gold (sykurlaust síróp sem fæst í flestum verslunum)

Fylling:
250 g rjómaostur frá Gott í matinn
80 g sukrin melis (flórsykur ef þið eruð ekki að forðast sykur)
1 tsk vanilla extract eða vanilludropar
3 dl þeyttur rjómi
100 g karamella (karamellan þarf að vera búin að kólna áður en hún er sett út í)

Aðferð:

Setjið hneturnar í matvinnsluvél og vinnið þær í mjöl. Einnig er hægt að hafa botninn grófari og setja hneturnar í poka og berja aðeins með kökukefli. 

Setjið smjör í pott og bræðið.

Bætið öðru hráefni ofan í og blandið vel saman. Notið 20 cm springform eða silikonform og setjið botninn í og kælið í frysti í korter. Þá er gott að taka botninn úr forminu og klæða botn og hliðar formsins með álpappír og setja botninn þá aftur ofan í. En þetta gerir manni auðveldar fyrir að fjarlægja kökuna úr forminu þegar hún er tilbúin. 

 

Karamella, aðferð:

Setjið í hæfilega stóran pott og fáið suðuna upp. Lækkið undir hitanum og látið malla þar til karamellan fer að þykkjast. Tekur um 15-20 mínútur

 

Fylling, aðferð:

Þeytið rjómann og setjið til hliðar.

Rjómaostur, sukrin melis, karamella og vanilla extract þeytt vel saman og í lokin er rjóminn varlega blandaður við.

Setjið yfir botninn.

Setjið restina af karamellunni yfir kökuna ásamt pekanhnetum og síðan inn í ísskáp.

Takið kökuna varlega úr forminu og setjið á kökudisk.

Höfundur: Hafdís Priscilla Magnúsdóttir