- +

Súkkulaðihnetuskyrkaka með lakkrís og jarðarberjum

Botn:
24 stk Oreo kexkökur
130 g smjör

Skyrkaka:
500 g Ísey skyr með vanillu
220 g Síríus heslihnetusmjör
2 msk flórsykur
¼ l Rjómi frá Gott í matinn

Toppur:
150 g lakkrískurl
200 g jarðarber
Kókos

Aðferð:

1. Setjið kexið í matvinnsluvél og hakkið þar til kexið er orðið fínmalað.
2. Bræðið smjör og hellið því saman við kexið og hrærið vel saman.
3. Hellið kexblöndunni í hringlaga form um 22 cm að stærð og þrýstið vel niður í botninn og upp á hliðar formsins. Gott er að nota botninn á glasi til að þrýsta kexinu vel niður.
4. Setjið formið inn í ísskáp á meðan þið undirbúið skyrkökuna.
5. Hrærið Síríus heslihnetusmjörinu saman við skyrið ásamt flórsykri, þar til allt hefur blandast vel saman.
6. Þeytið rjóma og blandið honum saman við.
7. Hrærið allt vel saman og hellið skyrblöndunni í formið og sléttið vel út með sleif.
8. Skerið niður jarðarber og setjið ofan á kökuna ásamt lakkrískurli og kókos.

Geymið kökuna í kæli þar til kakan er borin fram. 

Höfundur: Thelma Þorbergsdóttir