- +

Skyrkaka með kaffi og kanil

Skyrkaka
200 g LU kanil kex
100 g smjör frá MS
500 ml rjómi frá Gott í matinn
600 g KEA skyr með kaffi og vanillu
kaffisúkkulaði eftir smekk

Aðferð:

Kexið er mulið smátt og smjörið brætt í potti við lágan hita. Smjörinu er síðan hellt yfir kexið og því þjappað vel ofan í formið.

Rjóminn er þeyttur og skyri og súkkulaðispæni af eins og einni lengju af kaffisúkkulaði blandað varlega við rjómann.

Skyrblöndunni er dreift yfir kexbotninn og kakan skreytt með kaffisúkkulaði eða öðru sem ykkur finnst passa með.

Kakan er höfð í ísskáp í minnst 3 klst. áður en hún er borin fram, en mér finnst best að hafa hana í kæli yfir nóttu.

Höfundur: Gígja S. Guðjónsdóttir