Piparmyntuostakaka með After eight | gottimatinn.is
- +

Piparmyntuostakaka með After eight

Botninn:
250 g súkkulaðikex (t.d. Oreo eða annað kex með kremi á milli)
10 stk. After eight plötur
2 msk. brætt smjör
½ tsk. sjávarsalt

Fylling:
1 dós íslenskur mascarpone ostur við stofuhita (250 g)
5 dl rjómi
5 dl mjólk
2 pk. Royal vanillubúðingur
½ tsk. piparmyntudropar/piparmyntuextract (má sleppa)
5 stk. jólabrjóstsykursstarfir eða nokkrir piparmyntu brjóstsykursmolar
nokkrir dropar bleikur matarlitur (má sleppa)
After eight til að skreyta

Aðferð:

Þessi uppskrift dugar fyrir 8-10 manns.

 

Byrjið á að gera botninn. Setjið kexið og After eight í matvinnsluvél. Vinnið í fína mylsnu og hellið smjörinu og saltinu saman við. Geymið. 

Þeytið saman 5 dl af mjólk og allt búðingsduftið, setjið til hliðar. 

Þeytið mascarpone ostinn þar til hann verður mjúkur og léttur, hellið rjómanum saman við og þeytið þar til blandan er eins og léttþeyttur rjómi.

Þeytið þá lagaða vanillubúðinginn saman við þar til blandan er slétt og þykk.

Myljið brjóstsykurinn í fínt duft og bætið um 3 msk. af duftinu út í ostakökublönduna ásamt piparmyntudropunum og matarlit, ef þið notið. Geymið smá af duftinu til að skreyta með.

Þið getið annað hvort sprautað ostakökuna í lítil glös á fæti og borið fram fyrir hvern og einn eða sett hana í eina fallega glæra skál. 

Þegar ostakökunni hefur verið komið fyrir eins og á að bera hana fram er gott að kæla hana í ísskáp í um 2-4 klst.

Höfundur: Helena Gunnarsdóttir