Krydduð jólaskyrkaka | gottimatinn.is
- +

Krydduð jólaskyrkaka

Botn:
1 pakki Lu Bagstone kanil kex
150 g smjör

Skyrkaka:
500 g hreint skyr
¼ l rjómi
2 msk flórsykur
1½ tsk kanill
1 tsk múskat
½ tsk engifer
1 tsk vanilludropar

Aðferð:

1. Setjið kanilkexið í matvinnsluvél og hakkið þar til kexið er orðið fínmalað.
2. Bræðið smjör og hellið saman við kexið og hrærið vel saman.
3. Hellið kexblöndunni í hringlaga form um 22 cm að stærð og þrýstið vel niður í botninn og upp á hliðar formsins. Gott er að nota botninn á glasi til þess að þrýsta kexinu vel niður.
4. Setjið formið inn í ísskáp á meðan þið undirbúið skyrkökuna.
5. Þeytið rjóma og hrærið saman við skyrið ásamt flórsykri, kanil, múskati, engifer og vanilludropum. Hrærið þar til allt hefur blandast vel saman.
6. Hellið skyrblöndunni yfir kexbotninn og sléttið út með sleif.

Gott er að bera kökuna fram með rjóma.

Geymist í kæli þar til kakan er borin fram.  

Höfundur: Thelma Þorbergsdóttir