- +

Karamellu ostakaka með oreo botni

Innihald:
24 stk oreo kexkökur
75 g smjör, brætt
400 g rjómaostur til matargerðar frá Gott í matinn, við stofuhita
2 msk flórsykur
2 tsk vanilluextract
250 ml rjómi
250 ml mjólk
1 pk. karamellubúðingsduft
2 msk karamellusósa (2-3 msk)

Toppur
250 ml rjómi, þeyttur
karamellusósa

Aðferð:

Myljið kexið í fína mylsnu, blandið saman við brætt smjörið og þjappið í botn á bökuformi. Kælið. Þeytið rjómaostinn, sykurinn og vanillu vel saman. Þeytið rjómann og blandið varlega saman við rjómaostinn. Þeytið saman búðingsdufti og 250 ml af mjólk og blandið svo saman við rjómaostablönduna. Hellið þessu yfir kældan kexbotninn, hellið karamellusósu yfir og dragið aðeins í gegnum ostablönduna með enda á skeið til að fá einskona marmaraáferð og kælið í a.m.k. 2 klst eða yfir nótt. Áður en borið fram, þeytið rjóma og setjið ofan á, skreytið með karamellusósu.

  • Það er mjög gott að leggja bananasneiðar ofan á kexbotninn áður en rjómaostablandan er sett ofan á.
  • Í þessari uppskrift er notuð tilbúin karamellusósa en lítið mál er að nota heimalagaða sósu vilji maður það frekar. 

Höfundur: Helena Gunnarsdóttir