Jarðarberjaterta með KEA jarðarberjaskyri | gottimatinn.is
- +

Jarðarberjaterta með KEA jarðarberjaskyri

Svampbotn (aðkeyptur eða heimagerður)
4 stk egg
1¼ dl sykur
1¼ dl hveiti
½ tsk lyftiduft
1 tsk vanilludropar
75 g smjör, brætt og kælt

Toppur
2½ dl jarðarberjasulta
2 msk balsamikedik
1 dós KEA jarðarberjaskyr
2 dl rjómi
2½ msk flórsykur
fersk jarðarber, eftir smekk

Aðferð:

Svampbotn (einning hægt að nota aðkeyptan botn)

1. Stillið ofninn á 180°.

2. Þeytið egg og sykur saman dágóða stund þar til létt og ljóst. Setjið vanilludropa saman við. Hrærið.

3. Sigtið helminginn af hveitinu yfir skálina með eggjahrærunni. Blandið varlega saman við með sleikju eða skeið. Sigtið síðan restina af hveitinu og lyftiduftinu  og hrærið gætilega. Endið á því að setja smjörið saman við. Setjið deigið í bökunarform sem er 24 cm í þvermál og klætt bökunarpappír. Bakið 15-20 mínútur. Kælið þar til sulta og skyrkrem fara ofan á.

Toppur

1. Setjið sultu og balsamikedik í pott. Látið suðuna koma upp. Lækkið verulega, hrærið og látið malla í 5 mínútur. Setjið til hliðar.

2. Léttþeytið rjómann. Setjið skyr og flórsykur saman við. Hrærið þar til stíft.

3. Smyrjið tertubotninn með sultunni. Setjið síðan skyrkremið þar yfir. Skreytið loks með jarðarberjum.

Höfundur: Erna Sverrisdóttir