- +

Hnetu ostakaka með súkkulaðihjúpuðum heslihnetum

Botn
300 g hafrakex
100 g ristaðar karamelluhnetur
70 g smjör við stofuhita
1 msk Síríus heslihnetusmjör

Ostakaka
450 g rjómaostur
370 g Síríus heslihnetusmjör
60 g flórsykur

Toppur
100 g súkkulaðihjúpaðar heslihnetur, hakkaðar

Aðferð

Setjið smjörpappír í hringlaga form u.þ.b. 22 cm að stærð. Setjið hafrakex, ristaðar karamelluhnetur, smjör og Síríus heslihnetusmjör saman í matvinnsluvél og hakkið þar til allt hefur blandast vel saman og er orðið vel blautt af smjörinu. Þrýstið hafrakexblöndunni ofan í botninn á forminu, gott er að nota glas eða skeið. Kælið botninn á meðan þið undirbúið ostakökuna.

 

Hrærið rjómaost og flórsykur saman þar til blandan verður mjúk og slétt. Bætið Síríus heslihnetusmjöri saman við og hrærið þar til allt hefur  náð að blandast vel saman. Setjið rjómaostablönduna í formið ofan á hafrakexbotninn. Setjið súkkulaðihjúpuðu heslihneturnar í matvinnsluvél og grófhakkið. Setjið þær ofan á ostakökuna og þrýstið þeim örlítið niður svo þær festist vel. Kælið í 5 klukkustundir. Geymið í kæli þar til kakan er borin fram. 

Höfundur: Thelma Þorbergsdóttir