- +

Fljótleg ostakaka með hvítu súkkulaði og bláberjum

Innihald:
400 g rjómaostur frá Gott í matinn
1 peli rjómi frá gott í matinn (250 ml)
200 g hvítt súkkulaði
175 g Digestive kex
3 blöð gelatín
75 g haframjöl
100 g smjör
2 msk. hunang
6 msk. bláberjasulta
6 msk. fersk bláber

Aðferð:

Uppskrift fyrir sex.

 

Bræðið fyrst súkkulaðið yfir vatnsbaði.

Bætið pela af rjóma saman við bráðið súkkulaðið. 

Setjið 3 gelatínblöð saman við heitan rjómann og bráðið súkkulaðið.

Setjið rjómaostinn í skál og þeytið þar til hann verður mjúkur.

Þá fer súkkulaðirjóminn saman við rjómaostinn og blandað vel saman.

Látið svo skálina inn í ísskáp til að kólna. 

Kexið sett í matvinnsluvél og hrært saman við haframjölið.

Bætið bráðnu smjöri saman við kexmulninginn og svo hunangi.

Látið standa í nokkrar mínútur.

Setjið kexblönduna í skálar.

Tyllið matskeið af bláberjasultunni ofan á kexblönduna.

Þekið kexið og sultuna með súkkulaðiblöndunni.

Setjið skálarnar í ísskápinn.

Höfundur: Ragnar Freyr Ingvarsson