- +

Oreo kleinuhringir með rjómaostakremi

Innihald:
200 g hveiti
80 g kakó
120 g púðursykur
1 tsk. matarsódi
1 tsk. lyftiduft
½ tsk. salt
2 stk. egg
150 ml mjólk
120 ml olía (t.d. sólblóma)
2 tsk. vanilludropar
8 stk. Oreo kexkökur

Rjómaostakrem:
60 g rjómaostur til matargerðar frá Gott í matinn
80 ml mjólk
350 g flórsykur
2 tsk. vanilludropar
4 stk. Oreo kexkökur, 4-6 stk.

Aðferð:

Fyrir þessa uppskrift þurfið þið ekki hrærivél!

Hitið ofninn í 180 gráður og smyrjið kleinuhringjaform að innan með smjöri eða matarolíu.

Einföld uppskrift dugar í um 15 stk.

Blandið saman eggjum, mjólk, olíu og vanilludropum og hrærið vel saman. Setjið hveiti, kakó, sykur, matarsóda, lyftiduft og salt saman í skál og hrærið saman. Blandið öllu saman í eina skál og hrærið þar til allt hefur blandast vel saman. Grófsaxið Oreo kexkökurnar og hrærið þeim saman við deigið. Setjið deigið í sprautupoka og sprautið deiginu í kleinuhringjaformið. Passið að fylla formin ekki nema um 2/3 því annars fer deigið upp fyrir brúnina á forminu. Bakið í 10 mínútur eða þar til tannstöngull kemur þurr upp úr kleinuhringjunum. Kælið kleinuhringina alveg áður en þið setjið kremið á.

Krem

Setjið allt hráefnið saman í skál og hrærið þar til kremið verður silkimjúkt. Dýfið kleinuhringjunum ofan í kremið og skreytið með grófsöxuðu Oreo kexi. Best er að borða kleinuhringina strax, ef ekki þá þarf að geyma þá á loftþéttum stað, t.d. í boxi. Ef þið ætlið að bjóða þá fram daginn eftir er gott að baka kleinuhringina daginn áður, geyma þá t.d. inni í ofninum og setja kremið á samdægurs. 

Höfundur: Thelma Þorbergsdóttir