- +

Fljótlegar pavlovur með léttþeyttum rjóma og jarðarberjum

Hráefni
3 stk eggjahvítur við stofuhita
175 g sykur
½ l rjómi
300 g jarðarber, eða önnur ber (300-400 g)
flórsykur

Aðferð:

1. Stillið ofninn á 140°.

2. Þvoið hrærivélaskál að innan og spaða með örlitlu hvítvínsediki. Stífþeytið eggjahvítur.

3. Bætið sykri saman við, 1 msk í einu smátt og smátt. Hrærið þar til marensinn verður glansandi og þykkur.

4. Setjið marensinn í rjómasprautu eða notið tvær teskeiðar. Sprautið litla hringi (eða notið teskeiðar) með rjómaspautunni sem eru u.þ.b. 3 cm í þvermál á ofnplötu klædda bökunarpappír. Bakið í 40-45 mín. Látið kólna.

5. Léttþeytið rjómann. Sprautið rjóma eða notið skeiðar viða að setja rjóma á hverja köku. Skreytið með berjum og sáldrið flórsykri yfir.

Höfundur: Erna Sverrisdóttir