- +

Croissant brauðbúðingur með vanillu og súkkulaði

Innihald:
2 stk. croissant (betra ef þau eru dagsgömul eða aðeins farin að þorna)
100 g dökkir súkkulaðidropar eða saxað súkkulaði
3 stk. egg
2½ dl rjómi
1 tsk. vanilluextract
2 msk. hrásykur

Meðlæti:
Fersk jarðarber

Aðferð:

Þessi uppskrift dugar fyrir þrjá til fjóra sem eftirréttur.

 

Hitið ofn í 170 gráður með blæstri, annars 190 gráður. Smyrjið lítið eldfast mót. Rífið niður croissant og setjið í mótið, stráið súkkulaðinu yfir. Pískið saman eggjum, rjóma, vanillu og helmingum af sykrinum. Hellið yfir croissantið og súkkulaðið og látið standa í 5-10 mínútur. Stráið 1 msk. af hrásykri yfir og bakið í 30 mínútur eða þar til eldað í gegn og gullinbrúnt og stökkt að ofan.

Berið fram volgt með ferskum jarðarberjum. 

Þessi uppskrift er fullkominn fyrir helgar brunchinn.

Höfundur: Helena Gunnarsdóttir