- +

Bláberjaís

Innihald:
250 ml rjómi
30 g sukrin melis eða flórsykur fyrir þá sem vilja og eru ekki að leitast eftir sykurlausum ís
2 stk. eggjarauður
30 g rjómaostur til matargerðar frá Gott í matinn
250 g íslensk bláber

Aðferð:

Þeytið eggjarauður og sukrin melis saman.
Hitið rjómann í potti á þar til hann er rétt yfir líkamshita (gott að nota hreinan fingur til að fylgjast með hitanum).
Rjómanum er því næst bætt við eggjarauðurnar og þeytt vel saman.
Blandan er síðan sett í pott og hrært í þar til hún er farin að þykkna aðeins.
Takið pottinn af hellunni og bætið rjómaosti saman við.
Bláber maukuð eftir smekk og blandað við.
Setjið í frysti í 2-3 klst.
Gott að hræra reglulega í blöndunni á meðan ísinn frýs.

Höfundur: Hafdís Priscilla Magnúsdóttir