- +

Eplakaka frá Toskana

Innihald
8 stk þykkar sneiðar af hvítum brauðhleif, skorpan rifin af (8-10 stk)
3 dl mjólk
3 stk egg
90 g flórsykur
3 msk hveiti
1 tsk vanilludropar
1 msk brætt smjör
2½ dl rjómi
1½ epli meðalstórt, í þykkum sneiðum


Aðferð:

Hitið ofn í 180 gráður. Smyrjið springform, 24 cm, eða klippið í það bökunarpappír. Raðið brauði í grunna skál og hellið mjólk yfir. Látið standa í 20 mínútur eða þar til brauðið er blautt í gegn.

Hrærið egg, sykur, hveiti, vanilludropa og smjör í létt deig og hellið rjóma varlega saman við.

Kreistið mjólkina úr brauðinu, þrýstið því létt í botninn á springforminu. Raðið eplasneiðum ofan á brauðið, hellið deigblöndunni yfir, látið standa í 10 mínútur áður en formið er sett í ofn. Bakið í 50 mínútur eða þar til kakan er gullin og enn vel blaut.

Kælið hana aðeins í forminu og stráið smá flórsykri yfir. Berið fram með rjóma eða ís.

 

*Það er allt í lagi að baka þessa köku í öðru en springformi, t.d. eldföstu móti, og bera hana þannig fram. 

Höfundur: Halla Bára og Gunnar