Menu

Bruschetta með fetaostakremi, salami og hægelduðum tómötum

Það skiptir miklu máli í bruschettu að vera með gott brauð. Ekta súrdeigsbrauð er mjög gott en það má líka fara þá leið að nota baguette. Fetaosturinn fær að njóta sín í hrærðu kremi undir ítölsku salami og hægelduðum tómötum.

Innihald

1 skammtar

Bruschetta

Súrdeigsbrauð eða annað gott brauð
Ólífuolía, gæðaolía
Hvítlauksrif

Tómatar

Kirsuberjatómatar, skornir í tvennt
Ólífuolía
Salt og pipar
Örlítill sykur að eigin vali
Ferskar kryddjurtir að eigin vali, fallegt að nota ferskt óreganó

Fetaostakrem

Dala feta með tómötum og ólífum
Sítróna, börkur og safi
hálft hvítlauksrif
Ólífuolía

Álegg

Klettasalat
Salamipylsa
Parmesanostur
Salt og pipar

Skref1

  • Byrjið á því að útbúa tómatana.
  • Hitið ofn í 120-150 gráður. Hitinn á ofninum verður af ráðast af því hve langan tíma þið hafið til að leyfa tómötunum að vera í ofninum. Best er að gefa þeim góðan tíma og láta þá hægeldast í allt að 2-3 klukkustundir og þá á 120 gráðum.
  • Athugið að það sleppur auðveldlega að hafa ofninn á 170 gráðum og fylgjast vel með tómötunum í klukkutíma ef ekki er lengri tími fyrir hendi.

Skref2

  • Skerið tómatana í tvennt, leggið í ofnfast mót.
  • Dreypið vel yfir þá af góðri ólífuolíu, saltið og piprið og stráið örlitlum sykri yfir að eigin vali.
  • Leggið kryddjurtir yfir tómatana.
  • Stingið í ofn.
  • Kíkið reglulega á þá. Kryddjurtirnar brenna auðveldlega ef ofninn er of heitur.
  • Best er að gefa tómötunum góðan tíma í ofninum.
  • Þeir eru góðir heitir sem kaldir.

Skref3

  • Hrærið öllum hráefnunum saman í fetaostakremið.

Skref4

  • Skerið brauðið í sneiðar.
  • Stingið undir grill, í heitan ofn eða setjið á grillpönnu.
  • Alls ekki láta brauðið verða hart!
  • Að þessu loknu er hálfu hvítlauksrifi nuddað ofan í brauðsneiðarnar og ólífuolíu dreypt yfir það.

Skref5

  • Leggið brauðsneið á disk, smyrjið með fetaostakremi, leggið svo tvær salamisneiðar ofan á, salat, þá tómata og rifinn parmesanost.
  • Berið fram og borðið!

Höfundur: Halla Bára Gestsdóttir