- +

Veislusamlokur með Gotta osti á þrjá vegu

Samlokur með Gotta osts salati:
250 g rifinn Gotta ostur
1 stk. rauð paprika, smátt söxuð
2 stk. vorlaukar, smátt saxaðir
125 g hreinn rjómaostur frá Gott í matinn
1 dl majónes
nokkrir dropar Tabasco sósa (má sleppa)
örlítið salt og pipar
samlokubrauð

Samlokur með Gotta osti, rjómaosti og salami:
1 bréf gott salami/spægipylsa
gúrkusneiðar
1 stk. rjómaostur með kryddblöndu frá Gott í matinn
nokkrar sneiðar af Gotta osti
samlokubrauð

Samlokur með Gotta osti, skinku og sætu sinnepi
silkiskorin skinka
grænt salat
nokkrar sneiðar af Gotta osti
samlokubrauð

Aðferð:

Samlokur með Gotta osts salati, aðferð:

Blandið öllum hráefnum saman, smakkið til með tabasco sósu, salti og pipar. Smyrjið á samlokubrauð og skerið í bita eða hringi. Salatið er einnig afar gott ofan á kex eða ristað brauð. 

Samlokur með Gotta osti, rjómaosti og salami, aðferð:

Smyrjið samlokubrauð með rjómaosti. Leggið Gotta ost ofan á, því næst gúrku og salami. Smyrjið aðra brauðsneið með rjómaosti og leggið ofan á. Skerið í bita eða hringi.

Samlokur með Gotta osti, skinku og sætu sinnepi, aðferð:

Smyrjið samlokubrauð með þunnu lagi af sætu sinnepi, leggið Gotta ost ofan á, því næst skinku og salat. Smyrjið aðra brauðsneið með sinnepi og leggið ofan á. Skerið í bita eða hringi. 

Höfundur: Helena Gunnarsdóttir