- +

Sykurlaust sætkartöflubrauð með pecanhnetum

Innihald:
300 g sætar kartöflur
4 stk egg
120 ml rjómi
60 ml Fibersirup Gold
1 tsk lyftiduft
1 tsk kanill
½ tsk engiferkrydd
½ bolli kókoshveiti
1 tsk vanillu extract eða dropar
1 msk olía
100 g pecanhnetur

Aðferð:

Skerið sætu kartöflunar í litla teninga og setjið í skál ásamt ½ tsk af kanil og olíu og blandið vel saman.

Dreifið úr á bökunarplötu og bakið við 170 gráður í 30 mínútur.

Setjið helmingin af pecanhnetunum í matvinnsluvél og malið vel niður.

Bætið við sætu kartöflunum og maukið vel.

Bætið við þurrefnunum og blandið. Í lokin eru egg, rjómi, vanillu extract og Fibersirup Gold bætt við.

Setjið í brauðform. Gott er að nota silikonbrauðform því þá er ekki hætta á að brauðið festist við formið. Ef þið eruð ekki með silikonform þarf að smyrja formið með smjöri eða olíu.

Grófsaxið afganginn af hnetunum og stráið yfir brauðið. 

Bakið í 50-60 mínútur eða þangað til tannstöngull eða gaffall kemur hreinn úr brauðinu ef stungið er í það.

Höfundur: Hafdís Priscilla Magnúsdóttir