- +

Kotasælubollur

Innihald:
5 dl gróft spelt
3 tsk vínsteinslyftiduft
1 lítil dós kotasæla (um 2 dl)
1 dl ab mjólk
2 dl sjóðandi heitt vatn (1,5-2,5 dl)
1 msk ólífuolía
1 tsk sjávarsalt
1 dl sesamfræ

Aðferð:

Ofn hitaður í 180 gráður með blæstri. Öllu blandað saman í skál og hrært með sleif þar til rétt blandað saman. Gott getur verið að bæta vatninu smám saman við en ekki öllu í einu. Áferðin á deiginu á að vera eins og þykkur hafragrautur og klístrast við sleifina. Alls ekki hræra lengi.

Búið til 9 stærri eða 12 minni bollur með tveimur matskeiðum og setjið á pappírsklædda bökunarplötu. Um 1 tsk af sesamfræjum stráð yfir hverja bollu. Þær stækka ekki það mikið að 12 bollur eiga vel að komast fyrir á einni plötu. Bakað í 20 mínútur. 

Höfundur: Helena Gunnarsdóttir